[/u] --------------------------------------------------------------------------------
حتى وردني تالي الليل جوال
وانا على شاهي وبسكوت ديمه
الرقم بايخ لكن الصوت قتال
كنه مثل صوت المذيعة حليمة
قالت مساء الخير ياطيب الفال
قلت ارحبي ترحيبة مستديمة
بالعود والصفري ودلة وفنجال
واجبك يابنت الأصوال الكريمة
وردت بضحكهة ثم قالت وش الحال؟
قلت اشهد إن الحال عقبك سقيمة
قالت وهي تضحك بعد مثل الأطفال
وانا بعد كني بدونك يتيمة
من يوم قالتها تزلزلت زلزال
من فجعتي كني مسوي جريمة
قلت ارفعي صوتك ترى مابه ارسال
كذاب لكن المصيبة عظيمة
قالت أقول اسمع ترى هرجنا طال
ممكن تصاحبني تراني وسيمة
واسمي الحقيقي أول حروفه الدال
لكن يسموني البنات الزعيمه
صحيح أحب الفخفخة واعشق المال
لكن تراني طاهره مستقيمة
ماعندي امغازل ولا (لعب يهال)
ماعندي إلا في الشرف والحشيمة
بس الصراحه قلبي لشوفتك مال
واصبحت وحدك جالس في صميمه
فكر بعقلك واترك القيل والقال
واحذر تطيع اهل العقول العقيمة
وارسل علي الحين خمسمية ريال
أشحن بها جوال أختي غنيمة
أو طقم غالي فيه خاتم وسلسال
أاروح به في عرس ولا عزيمة
قلت الحقيقة مانيب رجل أعمال
ولاني بتاجر والمواردعديمة
أنا الصراحه شبه عطال بطال
وعلاقتي بالفقر جدا حميمة
والراتب الله يرحم الحال ما زال
محدود والمصروف ربي عليمه
والدين بالألاف والبنك شغال
ياكل فلوسي بالربا والظليمة
والسوق طايح والغلا ضيق البال
والموت والله صاير اكبر غنيمة
قالت تحمل بس والحمل ينشال
خلك شديد الباس صلب العزيمة
ياخي تصرف جعلك اتصير نشال
أهم شي إن النوايا سليمة
لابد تفهمني على كل الأحوال
مادمت من أهل العقول الفهيمة
قلت ايه والله فاهم اللي على البال
لكن ترى هذي علينا قديمة
يابنت هذا صاير اليوم موال
للي تبي تلعب على ابن اللئيمة
يابنت ماتدرين كم فيه محتال
يلعب على الحبلين وانتي غشيمة
يابنت كم من جاهلة دمعها سال
من عقب ما جات العواقب وخيمة
والبنت لااقتفى عرضها بيد الأنذال
والله مايبقى لها اي قيمة
قالت تبي ولا فـ خلك على الجال
مهوب ناقصني نصائح حكيمة
عزالله أنك للأسف منت رجال
وانك قليل الذوق مافيك شيمة
يالعنبواللي مايسطرك بنعال
حتى يعلمك الغزل يابهيمة
(تفو)عليك وصكت الخط في الحال
مدري(تــفــو)هي مدح ولا شتيمة؟؟
اخوكم عياد الحربي
حتى وردني تالي الليل جوال
وانا على شاهي وبسكوت ديمه
الرقم بايخ لكن الصوت قتال
كنه مثل صوت المذيعة حليمة
قالت مساء الخير ياطيب الفال
قلت ارحبي ترحيبة مستديمة
بالعود والصفري ودلة وفنجال
واجبك يابنت الأصوال الكريمة
وردت بضحكهة ثم قالت وش الحال؟
قلت اشهد إن الحال عقبك سقيمة
قالت وهي تضحك بعد مثل الأطفال
وانا بعد كني بدونك يتيمة
من يوم قالتها تزلزلت زلزال
من فجعتي كني مسوي جريمة
قلت ارفعي صوتك ترى مابه ارسال
كذاب لكن المصيبة عظيمة
قالت أقول اسمع ترى هرجنا طال
ممكن تصاحبني تراني وسيمة
واسمي الحقيقي أول حروفه الدال
لكن يسموني البنات الزعيمه
صحيح أحب الفخفخة واعشق المال
لكن تراني طاهره مستقيمة
ماعندي امغازل ولا (لعب يهال)
ماعندي إلا في الشرف والحشيمة
بس الصراحه قلبي لشوفتك مال
واصبحت وحدك جالس في صميمه
فكر بعقلك واترك القيل والقال
واحذر تطيع اهل العقول العقيمة
وارسل علي الحين خمسمية ريال
أشحن بها جوال أختي غنيمة
أو طقم غالي فيه خاتم وسلسال
أاروح به في عرس ولا عزيمة
قلت الحقيقة مانيب رجل أعمال
ولاني بتاجر والمواردعديمة
أنا الصراحه شبه عطال بطال
وعلاقتي بالفقر جدا حميمة
والراتب الله يرحم الحال ما زال
محدود والمصروف ربي عليمه
والدين بالألاف والبنك شغال
ياكل فلوسي بالربا والظليمة
والسوق طايح والغلا ضيق البال
والموت والله صاير اكبر غنيمة
قالت تحمل بس والحمل ينشال
خلك شديد الباس صلب العزيمة
ياخي تصرف جعلك اتصير نشال
أهم شي إن النوايا سليمة
لابد تفهمني على كل الأحوال
مادمت من أهل العقول الفهيمة
قلت ايه والله فاهم اللي على البال
لكن ترى هذي علينا قديمة
يابنت هذا صاير اليوم موال
للي تبي تلعب على ابن اللئيمة
يابنت ماتدرين كم فيه محتال
يلعب على الحبلين وانتي غشيمة
يابنت كم من جاهلة دمعها سال
من عقب ما جات العواقب وخيمة
والبنت لااقتفى عرضها بيد الأنذال
والله مايبقى لها اي قيمة
قالت تبي ولا فـ خلك على الجال
مهوب ناقصني نصائح حكيمة
عزالله أنك للأسف منت رجال
وانك قليل الذوق مافيك شيمة
يالعنبواللي مايسطرك بنعال
حتى يعلمك الغزل يابهيمة
(تفو)عليك وصكت الخط في الحال
مدري(تــفــو)هي مدح ولا شتيمة؟؟
اخوكم عياد الحربي
